isi shahr mein kai sal se mere kuchh qaribi aziz hain
unhen meri koi KHabar nahin mujhe un ka koi pata nahin

Bashir Badr

---

---

itni milti hai meri ghazlon se surat teri
log tujh ko mera mahbub samajhte honge

Bashir Badr

---

---

ji bahut chahta hai sach bolen
kya karen hausla nahin hota

I want to speak only what's true
but courage fails, what can I do

Bashir Badr

---

---

jis din se chala hun meri manzil pe nazar hai
aankhon ne kabhi mil ka patthar nahin dekha

Bashir Badr

---

---

jis par hamari aankh ne moti bichhae raat bhar
bheja wahi kaghaz use hum ne likha kuchh bhi nahin

Bashir Badr

---

---

kai sal se kuchh KHabar hi nahin
kahan din guzara kahan raat ki

Bashir Badr

---

---

kai sitaron ko main jaanta hun bachpan se
kahin bhi jaun mere sath sath chalte hain

Bashir Badr

---

---

kaghaz mein dab ke mar gae kiDe kitab ke
diwana be-paDhe-likhe mashhur ho gaya

Bashir Badr

---

---

kabhi kabhi to chhalak paDti hain yunhi aankhen
udas hone ka koi sabab nahin hota

Bashir Badr

---

---