wo intizar ki chaukhaT pe so gaya hoga
kisi se waqt to puchhen ki kya baja hoga

Bashir Badr

---

---

wo chehra kitabi raha samne
baDi KHubsurat paDhai hui

Bashir Badr

---

---

wo chandni ka badan KHushbuon ka saya hai
bahut aziz hamein hai magar paraya hai

Bashir Badr

---

---

wo baDa rahim o karim hai mujhe ye sifat bhi ata kare
tujhe bhulne ki dua karun to meri dua mein asar na ho

Bashir Badr

---

---

utar bhi aao kabhi aasman ke zine se
tumhein KHuda ne hamare liye banaya hai

Bashir Badr

---

---

use pak nazron se chumna bhi ibaadaton mein shumar hai
koi phul lakh qarib ho kabhi main ne us ko chhua nahin

Bashir Badr

---

---

teri aarzu teri justuju mein bhaTak raha tha gali gali
meri dastan teri zulf hai jo bikhar bikhar ke sanwar gai

Bashir Badr

---

---

sunate hain mujhe KHwabon ki dastan aksar
kahaniyon ke pur-asrar lab tumhaari tarah

Bashir Badr

---

---

tahzib ke libas utar jaenge janab
dollar mein yun nachaegi ikkiswin sadi

Bashir Badr

---

---