musafir hain hum bhi musafir ho tum bhi
kisi moD par phir mulaqat hogi

Bashir Badr

---

---

na jaane kab tere dil par nai si dastak ho
makan KHali hua hai to koi aaega

Bashir Badr

---

---

na ji bhar ke dekha na kuchh baat ki
baDi aarzu thi mulaqat ki

Bashir Badr

---

---

sat sanduqon mein bhar kar dafn kar do nafraten
aaj insan ko mohabbat ki zarurat hai bahut

Bashir Badr

---

---

ujale apni yaadon ke hamare sath rahne do
na jaane kis gali mein zindagi ki sham ho jae

Bashir Badr

---

---

udas aankhon se aansu nahin nikalte hain
ye motiyon ki tarah sipiyon mein palte hain

Bashir Badr

---

---

uDne do parindon ko abhi shoKH hawa mein
phir lauT ke bachpan ke zamane nahin aate

Bashir Badr

---

---

tumhein zarur koi chahaton se dekhega
magar wo aankhen hamari kahan se laega

Bashir Badr

---

---

tumhaare sath ye mausam farishton jaisa hai
tumhaare baad ye mausam bahut sataega

Bashir Badr

---

---