gale mein us ke KHuda ki ajib barkat hai
wo bolta hai to ek raushni si hoti hai
Bashir Badr
aankhon mein raha dil mein utar kar nahin dekha
kashti ke musafir ne samundar nahin dekha
Bashir Badr
dushmani ka safar ek qadam do qadam
tum bhi thak jaoge hum bhi thak jaenge
Bashir Badr
dushmani jam kar karo lekin ye gunjaish rahe
jab kabhi hum dost ho jaen to sharminda na hon
bear enmity with all your might, but this we should decide
if ever we be friends again, we are not mortified
Bashir Badr
dua karo ki ye pauda sada hara hi lage
udasiyon mein bhi chehra khila khila hi lage
Bashir Badr
din mein pariyon ki koi kahani na sun
jangalon mein musafir bhaTak jaenge
Bashir Badr
dil ujDi hui ek sarae ki tarah hai
ab log yahan raat jagane nahin aate
Bashir Badr
dil ki basti purani dilli hai
jo bhi guzra hai us ne luTa hai
Bashir Badr
dada baDe bhole the sab se yahi kahte the
kuchh zahr bhi hota hai angrezi dawaon mein
Bashir Badr