aaj pi kar bhi wahi tishna-labi hai saqi
lutf mein tere kahin koi kami hai saqi

Aal-e-Ahmad Suroor

---

---

ijazat ho to main tasdiq kar lun teri zulfon se
suna hai zindagi ek KHub-surat dam hai saqi

Abdul Hamid Adam

---

---

saqi tujhe ek thoDi si taklif to hogi
saghar ko zara tham main kuchh soch raha hun

Abdul Hamid Adam

---

---

saqi zara nigah mila kar to dekhna
kambaKHt hosh mein to nahin aa gaya hun main

Abdul Hamid Adam

---

---

zaban-e-hosh se ye kufr sarzad ho nahin sakta
main kaise bin piye le lun KHuda ka nam ai saqi

Abdul Hamid Adam

---

---

ye dushmani hai saqi ya dosti hai saqi
auron ko jam dena mujh ko dikha dikha ke

Ali Jawwad Zaidi

---

---

na waiz hajw kar ek din duniya se jaana hai
are munh saqi-e-kausar ko bhi aaKHir dikhana hai

Ameer Minai

---

---