تجھ سے کس طرح میں اظہار تمنا کرتا
لفظ سوجھا تو معانی نے بغاوت کر دی

احمد ندیم قاسمی

---

---

عشق کے اظہار میں ہر چند رسوائی تو ہے
پر کروں کیا اب طبیعت آپ پر آئی تو ہے

اکبر الہ آبادی

---

---

اپنی ساری کاوشوں کو رائیگاں میں نے کیا
میرے اندر جو نہ تھا اس کو بیاں میں نے کیا

آزاد گلاٹی

---

---

زبان دل کی حقیقت کو کیا بیاں کرتی
کسی کا حال کسی سے کہا نہیں جاتا

عزیز لکھنوی

---

---

حال دل کیوں کر کریں اپنا بیاں اچھی طرح
روبرو ان کے نہیں چلتی زباں اچھی طرح

بہادر شاہ ظفر

---

---

کیا بلا تھی ادائے پرسش یار
مجھ سے اظہار مدعا نہ ہوا

فانی بدایونی

---

---

مدعا اظہار سے کھلتا نہیں ہے
یہ زبان بے زبانی اور ہے

فصیح اکمل

---

---