کیا ملا عرض مدعا سے فگارؔ
بات کہنے سے اور بات گئی

فگار اناوی

---

---

دل سبھی کچھ زبان پر لایا
اک فقط عرض مدعا کے سوا

حفیظ جالندھری

---

---

کٹ گئی احتیاط عشق میں عمر
ہم سے اظہار مدعا نہ ہوا

حسرتؔ موہانی

---

---

مجھ سے نفرت ہے اگر اس کو تو اظہار کرے
کب میں کہتا ہوں مجھے پیار ہی کرتا جائے

افتخار نسیم

---

---

اظہار حال کا بھی ذریعہ نہیں رہا
دل اتنا جل گیا ہے کہ آنکھوں میں نم نہیں

اسماعیلؔ میرٹھی

---

---

دل پہ کچھ اور گزرتی ہے مگر کیا کیجے
لفظ کچھ اور ہی اظہار کئے جاتے ہیں

جلیل عالیؔ

---

---

ایک دن کہہ لیجیے جو کچھ ہے دل میں آپ کے
ایک دن سن لیجیے جو کچھ ہمارے دل میں ہے

جوشؔ ملیح آبادی

---

---