tujh se kis tarah main izhaar-e-tamanna karta
lafz sujha to maani ne baghawat kar di

Ahmad Nadeem Qasmi

---

---

ishq ke izhaar mein har-chand ruswai to hai
par karun kya ab tabiat aap par aai to hai

Akbar Allahabadi

---

---

apni sari kawishon ko raegan main ne kiya
mere andar jo na tha us ko bayan main ne kiya

Azad Gulati

---

---

zaban dil ki haqiqat ko kya bayan karti
kisi ka haal kisi se kaha nahin jata

Aziz Lakhnavi

---

---

haal-e-dil kyun kar karen apna bayan achchhi tarah
ru-ba-ru un ke nahin chalti zaban achchhi tarah

Bahadur Shah Zafar

---

---

kya bala thi ada-e-pursish-e-yar
mujh se izhaar-e-muddaa na hua

Fani Badayuni

---

---

muddaa izhaar se khulta nahin hai
ye zaban-e-be-zabani aur hai

Fasih Akmal

---

---