adab talim ka jauhar hai zewar hai jawani ka
wahi shagird hain jo KHidmat-e-ustad karte hain

Chakbast Brij Narayan

---

---

ilm ki ibtida hai hangama
ilm ki intiha hai KHamoshi

Firdaus Gayavi

---

---

junun ko hosh kahan ehtimam-e-ghaarat ka
fasad jo bhi jahan mein hua KHirad se hua

Iqbal Azeem

---

---

ye ilm ka sauda ye risale ye kitaben
ek shaKHs ki yaadon ko bhulane ke liye hain

Jaan Nisar Akhtar

---

---

ibtida ye thi ki main tha aur dawa ilm ka
intiha ye hai ki is dawe pe sharmaya bahut

Jagan Nath Azad

---

---

had se baDhe jo ilm to hai jahl dosto
sab kuchh jo jaante hain wo kuchh jaante nahin

knowledge, friends, is poisonous, if its in excess
those who, say, know everything, no knowledge do possess

Khumar Barabankavi

---

---

mere qabile mein talim ka riwaj na tha
mere buzurg magar taKHtiyan banate the

Liaqat Jafri

---

---