KHamosh ho gain jo umangen shabab ki
phir jurat-e-gunah na ki hum bhi chup rahe

Hafeez Jalandhari

---

---

kahegi hashr ke din us ki rahmat-e-be-had
ki be-gunah se achchha gunah-gar raha

Hijr Nazim Ali Khan

---

---

apne kisi amal pe nadamat nahin mujhe
tha nek-dil bahut jo gunahgar mujh mein tha

Himayat Ali Shayar

---

---

suna hai KHwab mukammal kabhi nahin hote
suna hai ishq KHata hai so kar ke dekhte hain

Humaira Rahat

---

---

yun zindagi guzar raha hun tere baghair
jaise koi gunah kiye ja raha hun main

Jigar Moradabadi

---

---

ye kya kahun ki mujh ko kuchh gunah bhi aziz hain
ye kyun kahun ki zindagi sawab ke liye nahin

Mahboob Khizan

---

---

dekha to sab ke sar pe gunahon ka bojh tha
KHush the tamam nekiyan dariya mein Dal ka

Mohammad Alvi

---

---