wo kaun hain jinhen tauba ki mil gai fursat
hamein gunah bhi karne ko zindagi kam hai

who are those that seem to find the time for to repent
for us this life is too short to sin to heart's content

Anand Narayan Mulla

---

---

'arzu' jam lo jhijak kaisi
pi lo aur dahshat-e-gunah gai

Arzoo Lakhnavi

---

---

mohabbat nek-o-bad ko sochne de ghair-mumkin hai
baDhi jab be-KHudi phir kaun Darta hai gunahon se

Arzoo Lakhnavi

---

---

gunah-garon mein shamil hain gunahon se nahin waqif
saza ko jaante hain hum KHuda jaane KHata kya hai

Chakbast Brij Narayan

---

---

ek fursat-e-gunah mili wo bhi chaar din
dekhe hain hum ne hausle parwardigar ke

Faiz Ahmad Faiz

---

---

koi samjhe to ek baat kahun
ishq taufiq hai gunah nahin

if someone were to listen, one thing I will opine
Love is not a crime forsooth it is grace divine

Firaq Gorakhpuri

---

---

kya kijiye kashish hai kuchh aisi gunah mein
main warna yun fareb mein aata bahaar ke

Gopal Mittal

---

---