teri baKHshish ke bharose pe KHataen ki hain
teri rahmat ke sahaare ne gunahgar kiya

Mubarak Azimabadi

---

---

mere gunah ziyaada hain ya teri rahmat
karim tu hi bata de hisab kar ke mujhe

whether my sins are greater of your mercy pray?
My lord take account and tell me this today

Muztar Khairabadi

---

---

gunahon se hamein raghbat na thi magar ya rab
teri nigah-e-karam ko bhi munh dikhana tha

O Lord, I was not drawn to sinning all the time
how else could I confront your mercy so sublime

Naresh Kumar Shad

---

---

mahsus bhi ho jae to hota nahin bayan
nazuk sa hai jo farq gunah o sawab mein

Naresh Kumar Shad

---

---

gunahgar to rahmat ko munh dikha na saka
jo be-gunah tha wo bhi nazar mila na saka

Nushur Wahidi

---

---

mujhe gunah mein apna suragh milta hai
wagarna parsa-o-din-dar main bhi tha

Saqi Faruqi

---

---

uh mein rengti rahti hai gunah ki KHwahish
is amarbel ko ek din koi diwar mile

Saqi Faruqi

---

---