jo aae hashr mein wo sab ko marte aae
jidhar nigah phiri choT par lagai choT

Ahmad Husain Mail

---

---

han kabhi KHwab-e-ishq dekha tha
ab tak aankhon se KHun Tapakta hai

Akhtar Ansari

---

---

log nazron ko bhi paDh lete hain
apni aankhon ko jhukae rakhna

Akhtar Hoshiyarpuri

---

---

ahen na aankh se aansu to naghmagi be-sud
khilen na phul to rangini-e-fughan kya hai

Akhtar Saeed Khan

---

---

un ras bhari aankhon mein haya khel rahi hai
do zahr ke pyalon mein qaza khel rahi hai

Akhtar Shirani

---

---

un aankhon mein Dal kar jab aankhen us raat
main Duba to mil gae Dube hue jahaz

Ameeq Hanafi

---

---

aankhen dikhlate ho joban to dikhao sahab
wo alag bandh ke rakkha hai jo mal achchha hai

show me not your anger dear show me your youthful prime
the wealth that you have covered up is truly sublime

Ameer Minai

---

---