udas aankhon se aansu nahin nikalte hain
ye motiyon ki tarah sipiyon mein palte hain

Bashir Badr

---

---

us ki aankhon ko ghaur se dekho
mandiron mein charagh jalte hain

Bashir Badr

---

---

asar na puchhiye saqi ki mast aankhon ka
ye dekhiye ki koi hoshyar baqi hai

Betab Azimabadi

---

---

aa jae na dil aap ka bhi aur kisi par
dekho meri jaan aankh laDana nahin achchha

Bhartendu Harishchandra

---

---

idhar udhar meri aankhen tujhe pukarti hain
meri nigah nahin hai zaban hai goya

Bismil Saeedi

---

---

ah gae lakhon kaleja tham kar
aankh jis jaanib tumhaari uTh gai

Dagh Dehlvi

---

---

hote hain raaz-e-ishq-o-mohabbat isi se fash
aankhen zaban nahin hai agar be-zaban nahin

Fani Badayuni

---

---