chhalki har mauj-e-badan se husn ki dariya-dili
bul-hawas kam-zarf do chullu mein matwale hue

Sajjad Baqar Rizvi

---

---

do kinare hon to sail-e-znidagi dariya bane
ek had lazim hai pani ki rawani ke liye

Sajjad Baqar Rizvi

---

---

hamare dam se hai raushan dayar-e-fikr-o-suKHan
hamare baad ye galiyan dhuan dhuan hongi

Sajjad Baqar Rizvi

---

---

har rang har aahang mere samne aajiz
main koh-e-maani ki bulandi pe khaDa hun

Sajjad Baqar Rizvi

---

---

khinche hai mujhe dast-e-junun dasht-e-talab mein
daman jo bachae hain gareban gae hain

Sajjad Baqar Rizvi

---

---

kya kya na tere shauq mein TuTe hain yahan kufr
kya kya na teri rah mein iman gae hain

Sajjad Baqar Rizvi

---

---

main ham-nafasan jism hun wo jaan ki tarah tha
main dard hun wo dard ke unwan ki tarah tha

Sajjad Baqar Rizvi

---

---

main sargiran tha hijr ki raaton ke qarz se
mayus ho ke lauT gae din visal ke

Sajjad Baqar Rizvi

---

---

man dhan sab qurban kiya ab sar ka sauda baqi hai
hum to bike the aune-paune pyar ki qimat kam na hui

Sajjad Baqar Rizvi

---

---