aa gaya dil jo kahin aur hi surat hogi
log dekhenge tamasha jo mohabbat hogi

Lala Madhav Ram Jauhar

---

---

aa gaya 'jauhar' ajab ulTa zamana kya kahen
dost wo karte hain baaten jo adu karte nahin

Lala Madhav Ram Jauhar

---

---

aaina kis liye us shoKH ke munh chaDhta hai
kahin qali na khule chehra-e-nurani se

Lala Madhav Ram Jauhar

---

---

aahen bhi kin duaen bhi mangin tere liye
main kya karun jo yar kisi mein asar na ho

Lala Madhav Ram Jauhar

---

---

aah-e-pur-soz ki tasir buri hoti hai
KHush rahenge na gharibon ko satane wale

Lala Madhav Ram Jauhar

---

---

aaKHir ek roz to paiwand-e-zamin hona hai
jama-e-zist naya aur purana kaisa

Lala Madhav Ram Jauhar

---

---

aap ke hote kisi aur ko chahun tauba
kis taraf dhyan hai kya aap ye farmate hain

Lala Madhav Ram Jauhar

---

---

aap to munh pher kar kahte hain aane ke liye
wasl ka wada zara aankhen mila kar kijiye

Lala Madhav Ram Jauhar

---

---

aashiqon ko nafa kab hai inqilab-e-dahr se
hum wahi bande rahenge but KHuda ho jaenge

Lala Madhav Ram Jauhar

---

---