wo mujh se puchhte hain ki rote ho kis liye
dariya ko de ye qatra-e-nachiz kya jawa

Lala Madhav Ram Jauhar

---

---

wo ayaadat ko na aaya karen main dar guzra
haal-e-dil puchh ke aur aag laga jate hain

Lala Madhav Ram Jauhar

---

---

wahi shagird phir ho jate hain ustad ai 'jauhar'
jo apne jaan-o-dil se KHidmat-e-ustad karte hain

Lala Madhav Ram Jauhar

---

---

waqif nahin ki panw mein paDti hain beDiyan
dulhe ko ye KHushi hai ki meri baraat hai

Lala Madhav Ram Jauhar

---

---

wada nahin payam nahin guftugu nahin
hairat hai ai KHuda mujhe kyun intizar hai

Lala Madhav Ram Jauhar

---

---

us ne phir kar bhi na dekha main use dekha kiya
de diya dil rah chalte ko ye main ne kya kiya

Lala Madhav Ram Jauhar

---

---

un ke aane ki KHabar sun ke to ye haal hua
jab wo aaenge to phir kya meri haalat hogi

Lala Madhav Ram Jauhar

---

---

tu ne aghyar se aaina manga kar dekha
dil mein aata hai ki ab munh na dikhaen tujh ko

Lala Madhav Ram Jauhar

---

---

tum shah-e-husn ho ke na puchho faqir se
aise bhare makan se KHali gada phire

Lala Madhav Ram Jauhar

---

---