is taraf dair udhar kaba kidhar ko jaun
is do-rahe mein kahan yar raha karta hai

Lala Madhav Ram Jauhar

---

---

istiKHare ke liye bagh mein hum rindon ne
bar-ha dana-e-angur ki ki hai tasbih

Lala Madhav Ram Jauhar

---

---

jab kabhi main ne ye puchha ki KHata kis ki hai
be-dhaDak bol uThe tere siwa kis ki hai

Lala Madhav Ram Jauhar

---

---

jab kahte hain hum karte ho kyun wada-KHilafi
farmate hain hans kar ye nai baat nahin hai

Lala Madhav Ram Jauhar

---

---

janab-e-shaiKH ko sujhe na phir haram o halal
abhi piyen jo mile muft ki sharab kahin

Lala Madhav Ram Jauhar

---

---

'jauhar' tumhein nafrat hai bahut baada-kashi se
barsat mein dekhenge hum inkar tumhaara

Lala Madhav Ram Jauhar

---

---

jin ko hai abhi nam se bandi ke tanaffur
allah ne chaha to wahi pyar karenge

Lala Madhav Ram Jauhar

---

---

jis qadar chahiye biThlaiye pahre dar par
band rahne ke nahin KHwab mein aane wale

Lala Madhav Ram Jauhar

---

---

jo dost hain wo mangte hain sulh ki dua
dushman ye chahte hain ki aapas mein jang ho

Lala Madhav Ram Jauhar

---

---