kai bar un se pasija hai patthar
ye nale mere aazmae hue hain

Lala Madhav Ram Jauhar

---

---

kabhi khulta hi nahin saf kuchh iqrar inkar
hote hain un ki har ek baat mein pahlu donon

Lala Madhav Ram Jauhar

---

---

kaha kya jaane kya paigham-bar se
bahut KHush aaj aata hai udhar se

Lala Madhav Ram Jauhar

---

---

kaise be-rahm hain sayyaad ilahi tauba
mausam-e-gul mein mujhe kaT ke par rakhte hain

Lala Madhav Ram Jauhar

---

---

kaise bhule hue hain gabr o musalman donon
dair mein but hai na kabe mein KHuda rakkha hai

Lala Madhav Ram Jauhar

---

---

kar sake dil ki wakalat na teri bazm mein log
is kachehri mein to muKHtar bhi majbur rahe

Lala Madhav Ram Jauhar

---

---

kaTte kisi tarah se nahin hae kya karun
din ho gae pahaD mujhe intizar ke

Lala Madhav Ram Jauhar

---

---

kaun hote hain wo mahfil se uThane wale
yun to jate bhi magar ab nahin jaane wale

Lala Madhav Ram Jauhar

---

---

kaun si shab mujh ko hogi lailatul-qadr ai KHuda
dekhiye tashrif wo kis din mere ghar laenge

Lala Madhav Ram Jauhar

---

---