man bap aur ustad sab hain KHuda ki rahmat
hai rok-Tok un ki haq mein tumhaare neamat

Altaf Hussain Hali

---

---

kis tarah 'amanat' na rahun gham se main dil-gir
aankhon mein phira karti hai ustad ki surat

Amanat Lakhnavi

---

---

adab talim ka jauhar hai zewar hai jawani ka
wahi shagird hain jo KHidmat-e-ustad karte hain

Chakbast Brij Narayan

---

---

wahi shagird phir ho jate hain ustad ai 'jauhar'
jo apne jaan-o-dil se KHidmat-e-ustad karte hain

Lala Madhav Ram Jauhar

---

---

ustad ke ehsan ka kar shukr 'munir' aaj
ki ahl-e-suKHan ne teri tarif baDi baat

Muneer Shikohabadi

---

---

shagird hain hum 'mir' se ustad ke 'rasiKH'
ustadon ka ustad hai ustad hamara

Rasikh Azimabadi

---

---