gham-e-sud-o-ziyan se be-niyazana nikalta hai
baDi farzangi se tera diwana nikalta hai

Kunwar Mahendra Singh Bedi Sahar

---

---

har lamha mangte hain dua did-e-yar ki
yaad-e-butan bhi dil mein hai yaad-e-KHuda ke sath

Kunwar Mahendra Singh Bedi Sahar

---

---

in shoKH hasinon ki nirali hai ada bhi
but ho ke samajhte hain ki jaise hain KHuda bhi

Kunwar Mahendra Singh Bedi Sahar

---

---

kisi ik-adh mai-kash se KHata kuchh ho gai hogi
magar kyun mai-kade ka mai-kada bad-nam hai saqi

Kunwar Mahendra Singh Bedi Sahar

---

---

marna to lazim hai ek din ji bhar ke ab ji to lun
marne se pahle mar jaana mere bas ki baat nahin

Kunwar Mahendra Singh Bedi Sahar

---

---

mere sawal-e-visal par tum nazar jhuka kar khaDe hue ho
tumhin batao ye baat kya hai sawal pura jawab aadha

Kunwar Mahendra Singh Bedi Sahar

---

---

muskurana kabhi na ras aaya
har hansi ek wardat bani

Kunwar Mahendra Singh Bedi Sahar

---

---

phir is ke baad hamein tishnagi rahe na rahe
kuchh aur der murawwat se kaam le saqi

Kunwar Mahendra Singh Bedi Sahar

---

---

saqi mai saghar paimana mere bas ki baat nahin
sirf inhi se dil bahlana mere bas ki baat nahin

Kunwar Mahendra Singh Bedi Sahar

---

---