اگر وہ چاند کی بستی کا رہنے والا تھا
تو اپنے ساتھ ستاروں کا قافلہ رکھتا

عفت زریں

---

---

دیکھ کر انسان کی بیچارگی
شام سے پہلے پرندے سو گئے

عفت زریں

---

---

کون پہچانے گا زریںؔ مجھ کو اتنی بھیڑ میں
میرے چہرے سے وہ اپنی ہر نشانی لے گیا

عفت زریں

---

---

پتھر کے جسم موم کے چہرے دھواں دھواں
کس شہر میں اڑا کے ہوا لے گئی مجھے

عفت زریں

---

---

وہ مل گیا تو بچھڑنا پڑے گا پھر زریںؔ
اسی خیال سے ہم راستے بدلتے رہے

عفت زریں

---

---

وہ مجھ کو بھول چکا اب یقین ہے ورنہ
وفا نہیں تو جفاؤں کا سلسلہ رکھتا

عفت زریں

---

---

ذہن و دل کے فاصلے تھے ہم جنہیں سہتے رہے
ایک ہی گھر میں بہت سے اجنبی رہتے رہے

عفت زریں

---

---