aghair samt ke chalna bhi kaam aa hi gaya
fasil-e-shahr ke bahar bhi ek duniya thi

Gulnar Aafreen

---

---

dil ka har zaKHm teri yaad ka ek phul bane
mere pairahan-e-jaan se teri KHushbu aae

Gulnar Aafreen

---

---

ek aansu yaad ka Tapka to dariya ban gaya
zindagi bhar mujh mein ek tufan sa palta raha

Gulnar Aafreen

---

---

ek parchhain tasawwur ki mere sath rahe
main tujhe bhulun magar yaad mujhe tu aae

Gulnar Aafreen

---

---

'gulnar' maslahat ki zaban mein na baat kar
wo zahr pi ke dekh jo sachchaiyon mein hai

Gulnar Aafreen

---

---

hum sar-e-rah-e-wafa us ko sada kya dete
jaane wale ne palaT kar hamein dekha bhi na tha

Gulnar Aafreen

---

---

hamein bhi ab dar o diwar ghar ke yaad aae
jo ghar mein the to hamein aarzu-e-sahra thi

Gulnar Aafreen

---

---

kahiye aaina-e-sad-fasl-e-bahaaran tujh ko
kitne phulon ki mahak hai tere pairahan mein

Gulnar Aafreen

---

---

kin shahidon ke lahu ke ye farozan hain charagh
raushni si jo hai zindan ke har ek rauzan mein

Gulnar Aafreen

---

---