اب کون جا کے صاحب منبر سے یہ کہے
کیوں خون پی رہا ہے ستم گر شراب پی

فاضل جمیلی

---

---

ہمارے کمرے میں اس کی یادیں نہیں ہیں فاضلؔ
کہیں کتابیں کہیں رسالے پڑے ہوئے ہیں

فاضل جمیلی

---

---

اک تعلق تھا جسے آگ لگا دی اس نے
اب مجھے دیکھ رہا ہے وہ دھواں ہوتے ہوئے

فاضل جمیلی

---

---

اس کاک ٹیل کا تو نشہ ہی کچھ اور ہے
غم کو خوشی کے ساتھ ملا کر شراب پی

فاضل جمیلی

---

---

میں اکثر کھو سا جاتا ہوں گلی کوچوں کے جنگل میں
مگر پھر بھی ترے گھر کی نشانی یاد رکھتا ہوں

فاضل جمیلی

---

---

میں اپنے آپ سے آگے نکلنے والا تھا
سو خود کو اپنی نظر سے گرا کے بیٹھ گیا

فاضل جمیلی

---

---

میں ہی اپنی قید میں تھا اور میں ہی ایک دن
کر کے اپنے آپ کو آزاد لے جانے لگا

فاضل جمیلی

---

---

میں اک تھکا ہوا انسان اور کیا کرتا
طرح طرح کے تصور خدا سے باندھ لیے

فاضل جمیلی

---

---

مرے لیے نہ رک سکے تو کیا ہوا
جہاں کہیں ٹھہر گئے ہو خوش رہو

فاضل جمیلی

---

---