kuchh is tarah se guzari hai zindagi jaise
tamam umr kisi dusre ke ghar mein raha

Ahmad Faraz

---

---

tere baghair bhi to ghanimat hai zindagi
KHud ko ganwa ke kaun teri justuju kare

Ahmad Faraz

---

---

zindagi phaili hui thi sham-e-hijran ki tarah
kis ko itna hausla tha kaun ji kar dekhta

Ahmad Faraz

---

---

zindagi! tujh sa munafiq bhi koi kya hoga
tera shahkar hun aur tera hi mara hua hun

Ahmad Fareed

---

---

maut KHamoshi hai chup rahne se chup lag jaegi
zindagi aawaz hai baaten karo baaten karo

Ahmad Mushtaq

---

---

zindagi shama ki manind jalata hun 'nadim'
bujh to jaunga magar subah to kar jaunga

Ahmad Nadeem Qasmi

---

---

mujhe KHabar nahin gham kya hai aur KHushi kya hai
ye zindagi ki hai surat to zindagi kya hai

Ahsan Marahravi

---

---