zindagi chhin le baKHshi hui daulat apni
tu ne KHwabon ke siwa mujh ko diya bhi kya hai

Akhtar Saeed Khan

---

---

din raat mai-kade mein guzarti thi zindagi
'aKHtar' wo be-KHudi ke zamane kidhar gae

Akhtar Shirani

---

---

zindagi kitni masarrat se guzarti ya rab
aish ki tarah agar gham bhi gawara hota

Akhtar Shirani

---

---

dard baDh kar dawa na ho jae
zindagi be-maza na ho jae

Aleem Akhtar

---

---

lai hai kis maqam pe ye zindagi mujhe
mahsus ho rahi hai KHud apni kami mujhe

Ali Ahmad Jalili

---

---

aish hi aish hai na sab gham hai
zindagi ek hasin sangam hai

Ali Jawwad Zaidi

---

---

zist ka e'tibar kya hai 'amir'
aadmi bulbula hai pani ka

Ameer Minai

---

---