dhup ki saKHti to thi lekin 'faraaz'
zindagi mein phir bhi tha saya bahut

Faraz Sultanpuri

---

---

meri mohabbat mein sari duniya ko ek khilauna bana diya hai
ye zindagi ban gai hai man aur mujh ko bachcha bana diya hai

Farhat Ehsas

---

---

yahi hai daur-e-gham-e-ashiqi to kya hoga
isi tarah se kaTi zindagi to kya hoga

Farigh Bukhari

---

---

yaqin mujhe bhi hai wo aaenge zarur magar
wafa karegi kahan tak ki zindagi hi to hai

Farooq Banspari

---

---

ada hua na qarz aur wajud KHatm ho gaya
main zindagi ka dete dete sud KHatm ho gaya

Faryad Aazar

---

---

KHwabon par iKHtiyar na yaadon pe zor hai
kab zindagi guzari hai apne hisab mein

Fatima Hasan

---

---

gham-o-alam se jo tabir ki KHushi main ne
bahut qarib se dekhi hai zindagi main ne

Figar Unnavi

---

---