sunta hun baDe ghaur se afsana-e-hasti
kuchh KHwab hai kuchh asl hai kuchh tarz-e-ada hai

Asghar Gondvi

---

---

kabhi saya hai kabhi dhup muqaddar mera
hota rahta hai yun hi qarz barabar mera

Athar Nafees

---

---

kabhi aankhon pe kabhi sar pe biThae rakhna
zindagi talKH sahi dil se lagae rakhna

Bakhsh Layalpuri

---

---

zindagi ki bisat par 'baqi'
maut ki ek chaal hain hum log

Baqi Siddiqui

---

---

hai ajib shahr ki zindagi na safar raha na qayam hai
kahin karobar si dopahr kahin bad-mizaj si sham hai

Bashir Badr

---

---

hayat aaj bhi kaniz hai huzur-e-jabr mein
jo zindagi ko jit le wo zindagi ka mard hai

Bashir Badr

---

---

kitni sachchai se mujh se zindagi ne kah diya
tu nahin mera to koi dusra ho jaega

Bashir Badr

---

---