zindagi jab azab hoti hai
aashiqi kaamyab hoti hai

Dushyant Kumar

---

---

zindagi kya kisi muflis ki qaba hai jis mein
har ghaDi dard ke paiwand lage jate hain

Faiz Ahmad Faiz

---

---

zindagi nam hai ek johd-e-musalsal ka 'fana'
rah-rau aur bhi thak jata hai aaram ke baad

Fana Nizami Kanpuri

---

---

har nafas umr-e-guzishta ki hai mayyat 'fani'
zindagi nam hai mar mar ke jiye jaane ka

Fani Badayuni

---

---

ek muamma hai samajhne ka na samjhane ka
zindagi kahe ko hai KHwab hai diwane ka

Fani Badayuni

---

---

kis KHarabi se zindagi 'fani'
is jahan-e-KHarab mein guzri

Fani Badayuni

---

---

maut aane tak na aae ab jo aae ho to hae
zindagi mushkil hi thi marna bhi mushkil ho gaya

Fani Badayuni

---

---