ijazat ho to main tasdiq kar lun teri zulfon se
suna hai zindagi ek KHub-surat dam hai saqi

Abdul Hamid Adam

---

---

zindagi zor hai rawani ka
kya thamega bahaw pani ka

Abdul Hamid Adam

---

---

jo unhen wafa ki sujhi to na zist ne wafa ki
abhi aa ke wo na baiThe ki hum uTh gae jahan se

Abdul Majeed Salik

---

---

ishq ke mazmun the jin mein wo risale kya hue
ai kitab-e-zindagi tere hawale kya hue

Abu Mohammad Sahar

---

---

kis tarah jama kijiye ab apne aap ko
kaghaz bikhar rahe hain purani kitab ke

Adil Mansuri

---

---

kuchh aur tarah ki mushkil mein Dalne ke liye
main apni zindagi aasan karne wala hun

Aftab Hussain

---

---

zindagi KHwab hai aur KHwab bhi aisa ki miyan
sochte rahiye ki is KHwab ki tabir hai kya

Ahmad Ata

---

---