qasam jab us ne khai hum ne e'tibar kar liya
zara si der zindagi ko KHush-gawar kar liya

Mahshar Inayati

---

---

main us ke wade ka ab bhi yaqin karta hun
hazar bar jise aazma liya main ne

To this day her promises I do still believe
who a thousand times has been wont to deceive

Makhmoor Saeedi

---

---

kahna qasid ki us ke jine ka
wada-e-wasl par madar hai aaj

Mardan Ali Khan Rana

---

---

wo jo hum mein tum mein qarar tha tumhein yaad ho ki na yaad ho
wahi yani wada nibah ka tumhein yaad ho ki na yaad ho

the love that 'tween us used to be, you may, may not recall
those promises of constancy, you may, may not recall

Momin Khan Momin

---

---

din guzara tha baDi mushkil se
phir tera wada-e-shab yaad aaya

Nasir Kazmi

---

---

teri majburiyan durust magar
tu ne wada kiya tha yaad to ka

Nasir Kazmi

---

---

tere wade ko kabhi jhuT nahin samjhunga
aaj ki raat bhi darwaza khula rakkhunga

Shahryar

---

---