ummid to bandh jati taskin to ho jati
wada na wafa karte wada to kiya hota

Chiragh Hasan Hasrat

---

---

ghazab kiya tere wade pe e'tibar kiya
tamam raat qayamat ka intizar kiya

Dagh Dehlvi

---

---

jo tumhaari tarah tum se koi jhuTe wade karta
tumhin munsifi se kah do tumhein e'tibar hota

Dagh Dehlvi

---

---

KHatir se ya lihaz se main man to gaya
jhuTi qasam se aap ka iman to gaya

for reasons of formality, I've chosen to believe
you have surely lost your faith when you so deceive

Dagh Dehlvi

---

---

main bhi hairan hun ai 'dagh' ki ye baat hai kya
wada wo karte hain aata hai tabassum mujh ko

Dagh Dehlvi

---

---

wada jhuTa kar liya chaliye tasalli ho gai
hai zara si baat KHush karna dil-e-nashad ka

Dagh Dehlvi

---

---

wafa karenge nibahenge baat manenge
tumhein bhi yaad hai kuchh ye kalam kis ka tha

Dagh Dehlvi

---

---