mujhe kal ke wade pe karte hain ruKHsat
koi wada pura hua chahta hai

Altaf Hussain Hali

---

---

wo ummid kya jis ki ho intiha
wo wada nahin jo wafa ho gaya

Altaf Hussain Hali

---

---

phir baiThe baiThe wada-e-wasl us ne kar liya
phir uTh khaDa hua wahi rog intizar ka

Ameer Minai

---

---

wo aur wada wasl ka qasid nahin nahin
sach sach bata ye lafz unhin ki zaban ke hain

Ameer Minai

---

---

us ke wadon se itna to sabit hua us ko thoDa sa pas-e-talluq to hai
ye alag baat hai wo hai wada-shikan ye bhi kuchh kam nahin us ne wade kiye

Amir Usmani

---

---

az wade kiye nahin jate
phir bhi un ko nibhaya jata hai

Anjum Khayali

---

---

tha wada sham ka magar aae wo raat ko
main bhi kiwaD kholne fauran nahin gaya

Anwar Shuoor

---

---