اک عمر کٹ گئی ہے ترے انتظار میں
ایسے بھی ہیں کہ کٹ نہ سکی جن سے ایک رات

فراق گورکھپوری

---

---

رات کو رات کہہ دیا میں نے
سنتے ہی بوکھلا گئی دنیا

حفیظ میرٹھی

---

---

رات آ کر گزر بھی جاتی ہے
اک ہماری سحر نہیں ہوتی

ابن انشا

---

---

ہم تو رات کا مطلب سمجھیں خواب، ستارے، چاند، چراغ
آگے کا احوال وہ جانے جس نے رات گزاری ہو

عرفانؔ صدیقی

---

---

رات کو جیت تو پاتا نہیں لیکن یہ چراغ
کم سے کم رات کا نقصان بہت کرتا ہے

عرفانؔ صدیقی

---

---

موت برحق ہے ایک دن لیکن
نیند راتوں کو خوب آتی ہے

جمال اویسی

---

---

دن کے سینے میں دھڑکتے ہوئے لمحوں کی قسم
شب کی رفتار سبک گام سے جی ڈرتا ہے

جاوید کمال رامپوری

---

---