اے شخص میں تیری جستجو سے
بے زار نہیں ہوں تھک گیا ہوں

جون ایلیا

---

---

تری تلاش میں نکلے تو اتنی دور گئے
کہ ہم سے طے نہ ہوئے فاصلے جدائی کے

جنید حزیں لاری

---

---

مجھ کو شوق جستجوئے کائنات
خاک سے عادلؔ خلا تک لے گیا

محفوظ الرحمان عادل

---

---

جدائیوں کے زخم درد زندگی نے بھر دیے
تجھے بھی نیند آ گئی مجھے بھی صبر آ گیا

ناصر کاظمی

---

---

سب کچھ تو ہے کیا ڈھونڈتی رہتی ہیں نگاہیں
کیا بات ہے میں وقت پہ گھر کیوں نہیں جاتا

ندا فاضلی

---

---

جستجو کھوئے ہوؤں کی عمر بھر کرتے رہے
چاند کے ہم راہ ہم ہر شب سفر کرتے رہے

پروین شاکر

---

---

جستجو جس کی تھی اس کو تو نہ پایا ہم نے
اس بہانے سے مگر دیکھ لی دنیا ہم نے

شہریار

---

---