dekh le bulbul o parwana ki betabi ko
hijr achchha na hasinon ka visal achchha hai

Ameer Minai

---

---

firaq-e-yar ne bechain mujh ko raat bhar rakkha
kabhi takiya idhar rakkha kabhi takiya udhar rakkha

Ameer Minai

---

---

tul-e-shab-e-firaq ka qissa na puchhiye
mahshar talak kahun main agar muKHtasar kahun

Ameer Minai

---

---

kaDa hai din baDi hai raat jab se tum nahin aae
digar-gun hain mere haalat jab se tum nahin aae

Anwar Shuoor

---

---

lagi rahti hai ashkon ki jhaDi garmi ho sardi ho
nahin rukti kabhi barsat jab se tum nahin aae

Anwar Shuoor

---

---

ab tere hijr mein yun umr basar hoti hai
sham hoti hai to ro ro ke sahar hoti hai

Anwarul Hasan Anwar

---

---

har ishq ke manzar mein tha ek hijr ka manzar
ek wasl ka manzar kisi manzar mein nahin tha

Aqeel Abbas Jafri

---

---