hijr mein milne shab-e-mah ke gham aae hain
chaarasazon ko bhi bulwao ki kuchh raat kaTe

Makhdoom Mohiuddin

---

---

wasl ka gul na sahi hijr ka kanTa hi sahi
kuchh na kuchh to meri wahshat ka sila de mujh ko

Marghoob Ali

---

---

dekh kar tul-e-shab-e-hijr dua karta hun
wasl ke roz se bhi umr meri kam ho jae

Mirza Raza Barq

---

---

us se milne ki KHushi baad mein dukh deti hai
jashn ke baad ka sannaTa bahut khalta hai

Moin Shadab

---

---

'munir' achchha nahin lagta ye tera
kisi ke hijr mein bimar hona

Muneer Niyazi

---

---

nind aati nahin to subah talak
gard-e-mahtab ka safar dekho

Nasir Kazmi

---

---

tere aane ka dhoka sa raha hai
diya sa raat bhar jalta raha hai

Nasir Kazmi

---

---