tujh bin sari umr guzari
log kahenge tu mera tha

Nasir Kazmi

---

---

jo baat hijr ki aati to apne daman se
wo aansu ponchhta jata tha aur main rota tha

Nazeer Akbarabadi

---

---

tumhaare hijr mein aankhen hamari muddat se
nahin ye jaantin duniya mein KHwab hai kya chiz

Nazeer Akbarabadi

---

---

mumkina faislon mein ek hijr ka faisla bhi tha
hum ne to ek baat ki us ne kamal kar diya

Parveen Shakir

---

---

a-pas-e-dil jise apne labon se bhi chhupaya tha
mera wo raaz tere hijr ne pahuncha diya sab tak

Qateel Shifai

---

---

hijr ki shab nala-e-dil wo sada dene lage
sunne wale raat kaTne ki dua dene lage

Saqib Lakhnavi

---

---

jagta hun main ek akela duniya soti hai
kitni wahshat hijr ki lambi raat mein hoti hai

Shahryar

---

---