shikwa-e-hijr pe sar kaT ke farmate hain
phir karoge kabhi is munh se shikayat meri

Fani Badayuni

---

---

do alag lafz nahin hijr o visal
ek mein ek ki goyai hai

Farhat Ehsas

---

---

hijr o visal charagh hain donon tanhai ke taqon mein
akasr donon gul rahte hain aur jala karta hun main

Farhat Ehsas

---

---

use KHabar thi ki hum visal aur hijr ek sath chahte hain
to us ne aadha ujaD rakkha hai aur aadha bana diya hai

Farhat Ehsas

---

---

ahut dinon mein mohabbat ko ye hua malum
jo tere hijr mein guzri wo raat raat hui

Firaq Gorakhpuri

---

---

ek umr kaT gai hai tere intizar mein
aise bhi hain ki kaT na saki jin se ek raat

Firaq Gorakhpuri

---

---

ishq par faez hun auron ki tarah lekin mujhe
wasl ka lapka nahin hai hijr se wahshat nahin

Ghulam Husain Sajid

---

---