pyasa mat jala saqi mujhe garmi sin hijran ki
shitabi la sharab-e-KHam hum ne dil ko bhuna hai

Abdul Wahab yakro

---

---

tumhaare hijr mein kyun zindagi na mushkil ho
tumhin jigar ho tumhin jaan ho tumhin dil ho

Afsar Allahabadi

---

---

taron ka go shumar mein aana muhaal hai
lekin kisi ko nind na aae to kya kare

Afsar Merathi

---

---

hijr mein itna KHasara to nahin ho sakta
ek hi ishq dobara to nahin ho sakta

Afzal Gauhar Rao

---

---

a-zahir ek hi shab hai firaq-e-yar magar
koi guzarne baiThe to umr sari lage

Ahmad Faraz

---

---

do ghaDi us se raho dur to yun lagta hai
jis tarah saya-e-diwar se diwar juda

Ahmad Faraz

---

---

'faraaz' ishq ki duniya to KHub-surat thi
ye kis ne fitna-e-hijr-o-visal rakkha hai

Ahmad Faraz

---

---