koi bhi ghar mein samajhta na tha mere dukh sukh
ek ajnabi ki tarah main KHud apne ghar mein tha

Rajinder Manchanda Bani

---

---

ek ghar bana ke kitne jhamelon mein phans gae
kitna sukun be-sar-o-samaniyon mein tha

Riaz Majeed

---

---

ab ghar bhi nahin ghar ki tamanna bhi nahin hai
muddat hui socha tha ki ghar jaenge ek din

Saqi Faruqi

---

---

ghar ki tamir tasawwur hi mein ho sakti hai
apne naqshe ke mutabiq ye zamin kuchh kam hai

Shahryar

---

---

mujhe bhi lamha-e-hijrat ne kar diya taqsim
nigah ghar ki taraf hai qadam safar ki taraf

Shehpar Rasool

---

---

wahan hamara koi muntazir nahin phir bhi
hamein na rok ki ghar jaana chahte hain hum

Wali Aasi

---

---