tum parindon se ziyaada to nahin ho aazad
sham hone ko hai ab ghar ki taraf lauT chalo

Irfan Siddiqi

---

---

gurez-pa hai naya rasta kidhar jaen
chalo ki lauT ke hum apne apne ghar jaen

Jamal Owaisi

---

---

ab tak na KHabar thi mujhe ujDe hue ghar ki
wo aae to ghar be-sar-o-saman nazar aaya

Josh Malihabadi

---

---

kab aaoge ye ghar ne mujh se chalte waqt puchha tha
yahi aawaz ab tak gunjti hai mere kanon mein

Kafeel Aazar Amrohvi

---

---

us ki aankhon mein utar jaane ko ji chahta hai
sham hoti hai to ghar jaane ko ji chahta hai

Kafeel Aazar Amrohvi

---

---

'kaif' pardes mein mat yaad karo apna makan
ab ke barish ne use toD giraya hoga

Kaif Bhopali

---

---

ab yaad kabhi aae to aaine se puchho
'mahbub-KHizan' sham ko ghar kyun nahin jate

Mahboob Khizan

---

---