sawal karti kai aankhen muntazir hain yahan
jawab aaj bhi hum soch kar nahin aae

Aashufta Changezi

---

---

ishq bhi ho hijab mein husn bhi ho hijab mein
ya to KHud aashkar ho ya mujhe aashkar ka

Allama Iqbal

---

---

shauq kahta hai pahunch jaun main ab kabe mein jald
rah mein but-KHana paDta hai ilahi kya karun

Ameer Minai

---

---

hai ajab si kashmakash dil mein 'asar'
kis ko bhulen kis ko rakkhen yaad hum

Asar Akbarabadi

---

---

ye sochte hi rahe aur bahaar KHatm hui
kahan chaman mein nasheman bane kahan na bane

i kept contemplating, spring came and went away
where in the garden should I make my nest today

Asar Lakhnavi

---

---

sar mein sauda bhi nahin dil mein tamanna bhi nahin
lekin is tark-e-mohabbat ka bharosa bhi nahin

Firaq Gorakhpuri

---

---

irade bandhta hun sochta hun toD deta hun
kahin aisa na ho jae kahin aisa na ho jae

Hafeez Jalandhari

---

---