doston se mulaqat ki sham hai
ye saza kaT kar apne ghar jaunga

Mazhar Imam

---

---

apna ghar aane se pahle
itni galiyan kyun aati hain

Mohammad Alvi

---

---

ghar mein kya aaya ki mujh ko
diwaron ne gher liya hai

Mohammad Alvi

---

---

aat paDe ghar jaana hai
subh talak mar jaana hai

Mohammad Alvi

---

---

sharife ke daraKHton mein chhupa ghar dekh leta hun
main aankhen band kar ke ghar ke andar dekh leta hun

Mohammad Alvi

---

---

un dinon ghar se ajab rishta tha
sare darwaze gale lagte the

Mohammad Alvi

---

---

ab kaun muntazir hai hamare liye wahan
sham aa gai hai lauT ke ghar jaen hum to kya

Muneer Niyazi

---

---