koi dawa na de sake mashwara-e-dua diya
chaaragaron ne aur bhi dard dil ka baDha diya

Hafeez Jalandhari

---

---

kyun hijr ke shikwe karta hai kyun dard ke rone rota hai
ab ishq kiya to sabr bhi kar is mein to yahi kuchh hota hai

Hafeez Jalandhari

---

---

ye dard hai hamdam usi zalim ki nishani
de mujh ko dawa aisi ki aaram na aae

Hakeem Nasir

---

---

dard ko rahne bhi de dil mein dawa ho jaegi
maut aaegi to ai hamdam shifa ho jaegi

Hakim Mohammad Ajmal Khan Shaida

---

---

kya rashk hai ki ek ka hai ek muddai
tum dil mein ho to dard hamare jigar mein hai

Hijr Nazim Ali Khan

---

---

dil ko gham ras hai yun gul ko saba ho jaise
ab to ye dard ki surat hi dawa ho jaise

Hosh Tirmizi

---

---

aan ke is bimar ko dekhe tujh ko bhi taufiq hui
lab par us ke nam tha tera jab bhi dard shadid hua

Ibn e Insha

---

---