dida o dil ne dard ki apne baat bhi ki to kis se ki
wo to dard ka bani Thahra wo kya dard baTaega

Ibn e Insha

---

---

dil hijr ke dard se bojhal hai ab aan milo to behtar ho
is baat se hum ko kya matlab ye kaise ho ye kyunkar ho

Ibn e Insha

---

---

hum apne raftagan ko yaad rakhna chahte hain
dilon ko dard se aabaad rakhna chahte hain

Iftikhar Arif

---

---

as aane lagi duniya to kaha dil ne ki ja
ab tujhe dard ki daulat nahin milne wali

Iftikhar Arif

---

---

hath phailaun main isa-nafason ke aage
dard pahlu mein mere hai magar itna bhi nahin

Iqbal Azeem

---

---

kuchh aise zaKHm bhi dar-parda hum ne khae hain
jo hum ne apne rafiqon se bhi chhupae hain

Iqbal Azeem

---

---

mere labon ka tabassum to sab ne dekh liya
jo dil pe bit rahi hai wo koi kya jaane

Iqbal Safi Puri

---

---