kuchh dard ki shiddat hai kuchh pas-e-mohabbat hai
hum aah to karte hain fariyaad nahin karte

Fana Nizami Kanpuri

---

---

dard-e-dil ki unhen KHabar kya ho
jaanta kaun hai parai choT

Fani Badayuni

---

---

dil sarapa dard tha wo ibtida-e-ishq thi
intiha ye hai ki 'fani' dard ab dil ho gaya

Fani Badayuni

---

---

is dard ka ilaj ajal ke siwa bhi hai
kyun chaarasaz tujh ko ummid-e-shifa bhi hai

Fani Badayuni

---

---

oz-e-jaza gila to kya shukr-e-sitam hi ban paDa
hae ki dil ke dard ne dard ko dil bana diya

Fani Badayuni

---

---

kabhi sahar to kabhi sham le gaya mujh se
tumhaara dard kai kaam le gaya mujh se

Farhat Abbas Shah

---

---

'firaq' dauD gai ruh si zamane mein
kahan ka dard bhara tha mere fasane mein

Firaq Gorakhpuri

---

---