sun chuke jab haal mera le ke angDai kaha
kis ghazab ka dard zalim tere afsane mein tha

Shad Azimabadi

---

---

ab mera dard meri jaan hua jata hai
ai mere chaaragaro ab mujhe achchha na karo

Shahzad Ahmad

---

---

dard tu mere pas se marte talak na jaiyo
taqat-e-sabr ho na ho tab-o-qarar ho na ho

Shaikh Zahuruddin Hatim

---

---

tabibon ki tawajjoh se maraz hone laga duna
dawa is dard ki batla dil-e-agah kya kije

Shaikh Zahuruddin Hatim

---

---

ab to KHushi ka gham hai na gham ki KHushi mujhe
be-his bana chuki hai bahut zindagi mujhe

Shakeel Badayuni

---

---

ai mohabbat tere anjam pe rona aaya
jaane kyun aaj tere nam pe rona aaya

Love your sad conclusion makes me weep
Wonder why your mention makes me weep

Shakeel Badayuni

---

---

jab hua zikr zamane mein mohabbat ka 'shakil'
mujh ko apne dil-e-nakaam pe rona aaya

Whenever talk of happiness I hear
My failure and frustration makes me weep

Shakeel Badayuni

---

---