jo zaKHm deta hai to be-asar hi deta hai
KHalish wo de ki jise bhul bhi na paun main

Khaleel Tanveer

---

---

dard ka zaiqa bataun kya
ye ilaqa zaban se bahar hai

Khursheed Akbar

---

---

ki tark-e-mohabbat to liya dard-e-jigar mol
parhez se dil aur bhi bimar paDa hai

Lala Madhav Ram Jauhar

---

---

dard ho dil mein to dawa kije
aur jo dil hi na ho to kya kije

Manzar Lakhnavi

---

---

gham mein kuchh gham ka mashghala kije
dard ki dard se dawa kije

Manzar Lakhnavi

---

---

higi miTTi ki mahak pyas baDha deti hai
dard barsat ki bundon mein basa karta hai

Marghoob Ali

---

---

dard-e-dil kya bayan karun 'rashki'
us ko kab e'tibar aata hai

Mohammad Ali Khan Rashki

---

---