ڈھونڈتا ہوں میں زمیں اچھی سی
یہ بدن جس میں اتارا جائے

محمد علوی

---

---

میں اس کے بدن کی مقدس کتاب
نہایت عقیدت سے پڑھتا رہا

محمد علوی

---

---

محبت کے ٹھکانے ڈھونڈھتی ہے
بدن کی لا مکانی موسموں میں

نصیر احمد ناصر

---

---

خدا کے واسطے گل کو نہ میرے ہاتھ سے لو
مجھے بو آتی ہے اس میں کسی بدن کی سی

نظیر اکبرآبادی

---

---

بہت لمبی مسافت ہے بدن کی
مسافر مبتدی تھکنے لگا ہے

پریم کمار نظر

---

---

جی چاہتا ہے ہاتھ لگا کر بھی دیکھ لیں
اس کا بدن قبا ہے کہ اس کی قبا بدن

پریم کمار نظر

---

---

رکھ دی ہے اس نے کھول کے خود جسم کی کتاب
سادہ ورق پہ لے کوئی منظر اتار دے

پریم کمار نظر

---

---