ہائے وہ اس کا موج خیز بدن
میں تو پیاسا رہا لب جو بھی

جون ایلیا

---

---

یاد آتے ہیں معجزے اپنے
اور اس کے بدن کا جادو بھی

جون ایلیا

---

---

لگتے ہی ہاتھ کے جو کھینچے ہے روح تن سے
کیا جانیں کیا وہ شے ہے اس کے بدن کے اندر

جرأت قلندر بخش

---

---

نور بدن سے پھیلی اندھیرے میں چاندنی
کپڑے جو اس نے شب کو اتارے پلنگ پر

لالہ مادھو رام جوہر

---

---

تجھ سا کوئی جہان میں نازک بدن کہاں
یہ پنکھڑی سے ہونٹ یہ گل سا بدن کہاں

لالہ مادھو رام جوہر

---

---

گوندھ کے گویا پتی گل کی وہ ترکیب بنائی ہے
رنگ بدن کا تب دیکھو جب چولی بھیگے پسینے میں

میر تقی میر

---

---

اندھیری راتوں میں دیکھ لینا
دکھائی دے گی بدن کی خوشبو

محمد علوی

---

---